Тропарь и кондак Пресвятой Богородице перед Ея иконой, именуемой «Спорительница хлебов»

Тропарь, глас 3

О Пречистая Дево Марие, Мати Царя Небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению, Спорительнице сущи хлебов им, избавляя их всякия нужды и утеснения и устрояя им, рабом Твоим сущим, избавление вечныя муки и жизнь вечную.

Кондак, глас 1

Честное жилище бывше неизреченнаго естества Божественнаго, выше слова и паче ума Ты грешным еси Споручница. Подаваеши благодать и исцеление, яко Мати всех Царствующаго. Моли Сына Твоего получити нам милость в день судный.